Канон покаянный целит пантелеимону. Великомученику и целителю Пантелеимону: молитвы. Житие великомученика и целителя пантелеимона

Друзья, добрый день. Сегодня я вам расскажу о великом Целителе Христовым, о великомученике Пантелеимоне.

Как всегда, вначале кратко о житии, а в конце статьи сборник молитв великомученику Пантелеймону.

ЖИТИЕ ВЕЛИКОМУЧЕНИКА И ЦЕЛИТЕЛЯ ПАНТЕЛЕИМОНА

Родился великий святой в городе Ни­ко­ми­дия (Малая Азия), в семье богатого язычника и нарекли его именем Пантолеон, что в переводе означает “по всему лев”.

Впрочем, мать его, святая Еввула была, христианкой и воспитывала мальчика по своей вере.

Умерла Еввула рано и мальчика отправили учиться в языческую школу, к знаменитому врачевателю того времени, врачу Ев­фро­си­ну. Вскоре юношу приметил сам император Максимиан и повелел служить Пантолеону при своём дворе.

В Никомидии в это время жил священомученик пресвитер Ермолай, который прозорливо приметил в юноше “замысел Божий”. Ермолай ежедневно заходил к Пантелеимону и рассказывал ему о христианстве, объясняя основные истины веры Христовой.

Однажды Пантолеон увидел ребёнка, умершего от укуса змеи. Юноша взмолился Иисусу Христу о воскрешении укушенного мальчика и об умерщвлении ядовитой змеи. Пантолеон твёрдо решил, что в случае исполнения молитвы, он уверует во Христа и примет Святое Крещение. К своему удивлению мальчик ожил, а змея разлетелась на куски.

После этого случая, Пантолеона крестился и получил имя Пантелеимон. Став христианином, Пантелеон решил подвести к истинной вере и своего отца.

Если вам помог святой Пантелеимон

Об этом можно написать или поблагодарить святого в комментариях. Это полезно для тех, кто духом упал.

Помог случай.

Так как Пантолеон прослыл искусным врачевателем, то ему домой привели безнадёжного слепца.
«Свет гла­зам тво­им воз­вра­тит Отец све­та. Бог ис­тин­ный, во имя Гос­по­да мо­е­го Иису­са Хри­ста, про­све­ща­ю­ще­го сле­пых, про­зри!» — сказал святой. Слепой прозрел на глазах изумлённого отца. После этого чуда бывший слепой и отец Пантелеимона приняли крещение “во имя Отца и Сына и Святого Духа”.

После смерти отца святой стал безмездным врачевателем и бескорыстно лечил больных и страждущих. Из-за этого многие врачи города лишились своих доходов. Лекари доносят императору на святого, где пишут о том, что Пантолеон — христианин, и он “лечит христианских больных”.

Император Максимиан уговаривает святого опровергнуть донос и просит принести жертву идолам. Святой предлагает императору пройти прилюдное испытание — кто излечит неизлечимого больного, та вера истинна.

Согласно житию, врачи-язычники не смогли вылечить безнадёжного больного, а святой Пантелеимон силой молитвы даровал расслабленному полное исцеление. Увидев великое чудо исцеления, многие свидетели уверовали во Христа и приняли Святое Крещение.

Максимиан ожесточился на Пантелеймона и велел подвергнуть святого мучениям, а исцелённого больного казнить.

«Гос­по­ди Иису­се Хри­сте! Пред­ста­ни мне в эту ми­ну­ту, дай мне тер­пе­ние, чтобы я до кон­ца мог вы­не­сти му­че­ние!» — молил Бога святой. И Бог услышал святого, послав утешение в образе пресвитера Ермолая. «Не бой­ся, Я с то­бой» — услышал Пантелеимон.

Пантелеимон подвергся многим мучениям. Его тело вешали на железных крюках, его растягивали на колесе, жгли свечами и даже кидали в кипящее олово. Святой с защитой Божьей остаётся жив, тогда его кидают в море с камнем на шее, но и сейчас святой остался невредим.

Тогда Максимиан приказывает кинуть святого в цирк на растерзание к голодным хищникам, но они только лижут ноги Пантелеимона. Увидев это, многие зрители стали кричать: «Ве­лик Бог хри­сти­ан­ский! Да бу­дет от­пу­щен непо­вин­ный и пра­вед­ный юно­ша!»

Максимиан взбешен, он требует обезглавить всех: кричавших зрителей, провинившихся хищников и великомученика Пантелеимона. Святого привязывают к масличному дереву и даже пытаются обезглавить, но меч стал мягкий как воск.

Палачи замечают, что святой молится и в это время Господь вновь открывается святому, назвав его прилюдно Пантелимоном (“многомилостивый”), а не Пантолеоном. Услышав голос с небес, палачи падают ниц и просят у великомученика прощения.

Палачи отказываются приводить приказ в исполнение, но великомученик повелевает исполнить волю Максимиана.
Тогда воины со слезами прощаются со святым, целуя его руку, после чего с плачем отсекают Пантелеимону голову.

Происходит чудо — из раны, вместе с кровью течёт молоко, а масленичное дерево, к которому был привязан святой, в момент расцветает и наполняется целительных плодов.

Брошенное в костёр тело не сгорело, и христиане погребли Пантелеимона в зем­ле схо­ла­ста Ада­ман­ти.

Сейчас глава Пантелеимона хранится в Пантелеимоновом монастыре на Афоне, а частицы мощей святого можно встретить во многих монастырях России.

В Православии святой Пантелеимон, почитается в лике великомучеников. Святому молятся о здравии, об исцелении, Ему молятся воины об успехах в ратном деле.

ДНИ ПАМЯТИ ВЕЛИКОМУЧЕНИКА ПАНТЕЛЕИМОНА

МОЛИТВЫ

Молитва святому Пантелеимону об излечении

О, великий угодниче Христов, страстотерпче и врачу многомилостивый Пантелеимоне!

Умилосердись надо мной, грешным рабом Божиим (имя), услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от жестокаго гнетущаго мя недуга.

Приими недостойное моление грешнейшаго паче всех человек.

Посети мя благодатным посещением. Не возгнушайся греховных язв моих, помажи их елеем милости твоей и исцели мя;

да здрав сущи душею и телом, остаток дней моих, при помощи благодати Божией, возмогу провести в покаянии и угождении Богу, и сподоблюся восприяти благий конец живота моего.

Ей, угодниче Божий!

Умоли Христа Бога, да дарует ми предстательством твоим здравие тела и спасение души моей.

Молитва святому Пантелеимону от напастей и болезней

К тебе, как безвозмездному врачу, утешителю скорбящих, обогатителю неимущих, прибегаем мы ныне, святый Пантелеймон.

Любомудрию мирскому и искусству врачебному хорошо научившись, во Христа ты уверовал и, от Него дар исцелений, безмездно недугующих исцелял их.

Богатство все свое нищим, убогим, сиротам и вдовам раздавая, в узах томимых ты посещал, святый страдалец Христов, и врачеванием, беседою и подаянием утешал их.

За веру во Христа многообразные испытал мучения, ты во главу мечем был усечен, и пред кончиною твоею, явившись Христос наименовал тебя Пантелеймоном, то есть всемилостивым,

потому что дал тебе благодать всегда миловать всех притекающих к тебе в любых обстоятельствах и скорбях.

Услышь нас, с верою и любовью прибегающих к тебе, святый великомученик, ибо ты от самого Спаса Христа всемилостивым был наречен, и в жизни своей земной одному врачевание,

другому милостыню, иному утешение нескудно подавал, никого не отпуская от себя необлагодетельствованным.

Так и ныне, не отринь и не оставь нас, святой Пантелеймон, но внемли и поспеши на помощь нам;

от всякой скорби и болезни исцели и уврачуй, от бед и напастей освободи, и в сердца наши пролей утешение Божественное, чтобы бодры будучи телом и духом, прославили мы Спаса Христа во веки.

Молитва великомученику Пантелеймону о помощи

О великий Христов угодниче и преславный целебниче, великомучениче Пантелеимоне!

Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй,

призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений.

Се бо мы, за беззакония наша не смеюще возвести очеса наша к высоте Небесней, ниже вознести глас молебный к Его в Божестве неприступней славе, сердцем сокрушённым и духом смиренным тебе,

ходатая милостива ко Владьще и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти.

Тебе убо просим: не презри нас, недостойных, молящихся тебе и твоей помощи требующих.

Буди нам в печалех утешитель, в недузех страждущим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель:

исходатайствуй всем вся, яже ко спасению полезная, яко да твоими Господу Богу молитвами получивше благодать и милость,

прославим всех благих Источника и Дароподателя Бога, Единаго в Троице Святей славимаго Отца и Сына и Святаго Духа, ныне и присно, и во веки веков.

Молитва святому Пантелеимону от всяких невзгод и болезней. О покровительстве.

О, преславный мучениче и доблий воине Небеснаго Царя, Пантелеймоне всеблаженне, Милостиваго Бога преизрядный подражателю, иже Христа на земли дерзновенно исповедав и многообразный за Него муки претерпев,

неувядаемый приял еси венец на небеси, идеже вечнаго наслаждаешися блаженства и со дерзновением Престолу Трисолнечнаго Божества предстоиши!

К твоему Христоподражательному состраданию по Бозе прибегаем вси мы грешнии и всеусердно молим тя, теплаго заступника и предстателя нашего:

не престай призирати на нас, сущих в нуждех и скорбных обстояниих, и твоею молитвенною помощию и цельбоподательною силою избавляй нас присно от лютых зол, всегубительства и всякия иныя беды и болезни.

Ты бо приял еси, святе, неоскудную благодать исцелений от Спаса нашего Иисуса Христа за твердую твою к Нему веру, при чистом и непорочном житии,

запечатленную мученичеством и многопобедною твоею кончиною, в нейже по данней ти благодати и наименован от Христа Пантелеимоном, милости тезоименитым, милующим всех притекающих к тебе в скорбех и болезнех.

Сего ради ведуще тя милостиваго ко всем помощника и исцелителя, с верою взываем к тебе, услыши нас и богоприятным ходатайством твоим подавай нам вся благопотребная в житий сем и нужная к вечному спасению.

Мученическим же дерзновением твоим умоли Милостиваго Бога, да помилует нас, грешных и недостойных, по велицей милости Своей, да избавит от труса, потопа, огня, меча и всякаго праведнаго гнева и прещения, благовремение подвизая нас к очистительному и умилостивительному во гресех наших покаянию, ради множества щедрот Своих,

да подаст всем нам безбедное, тихое и богоугодное житие, и всех нас от врагов видимых и невидимых да сохранит благодатию Своею и непобедимым ополчением ангел Своих,

имиже ограждаеми и наставляеми да поживем в веце сем в покаянии, чистоте и в творении богоугодных дел;

да сподобимся твоим теплым предстательством христианскую кончину улучити безболезненну, мирну, непостыдну, избавится от козней воздушных князей тьмы и вечныя муки и быти наследниками безконечнаго, всеблаженнаго царствия.

Ей, угодниче Божий!

Не престай молитися за ны грешныя, да, твоим ходатайством временных и вечных бед избавлени, величаем тебе, заступника нашего и молитвенника,

и вечно прославляем общаго Владыку и Господа нашего Иисуса Христа, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков.

Молитва целителю Пантелеимону от всякой болезни, от невзгод и несчастий

Святый великомучениче и целебниче Пантелеймоне!

Моли Бога о нас (имена) и не допусти долее оставаться в нас болезням, коими болим душею и телом!

Исцели те язвы и струпы, кои причинены нам страстями нашими.

Болим мы леностию и расслаблением - исцели ны.

Болим влечением и пристрастием к земным предметам - исцели ны.

Болим, о святый Пантелеймоне!

Болим забывчивостию: о деле спасения, о наших грехах и немощах, о наших обязанностях - исцели ны.

Болим злопомнением, гневливостию, ненавистничеством - исцели, о целебниче Свято-Афонский и всемирный.

Болим зависитию, гордостию, надменностию, превозношением, при всей скудости и непотребстве - исцели ны.

Болим многими и разными припадками плотоугодия:

чревоизлишеством, невоздержанностию, многоядением, сластолюбием - исцели ны.

Болим сонливостию, многословием, празднословием, осудливостью - исцели ны, о святый Пантелеймоне!

Болят наши очи греховными воззрениями, болят наши уши слушанием пустословия, злоречия, наветов - исцели ны.

Болят руки нерасположением к молитвенному воздеянию и к подаянию милостыни - исцели ны.

Болят наши ноги нежеланием поспешно идти в храм Господень и стремлением к хождениям по стогнам и к посещениям домов мирских - исцели ны.

Болит, зело болит язык наш, уста наши:

пустословием, празднословием, злоречием, отвращаясь от молитвословий и славословий, или произнося их небрежно, рассеянно, без внимания, без понятия - исцели ны, о милостиве!

От главы до ног болим мы:

болит в нас разум непонятливостию, неразумностию и безумием;

болит в нас воля, отвращаясь от святых занятий и стремясь к делам вредным и богопротивным;

болит в нас память, забывшая наши прегрешения и содержа в себе неутратно согрешения и оскорбления ближних наших;

болит в нас воображение, не умея и не желая живо представить нам нашу смерть, вечную муку грешных, блага Царствия Небесного, Божий гнев, крестные страдания Христовы, Его распятие - исцели ны, о святый Пантелеймоне!

Все в нас болит.

Немоществует и душа наша вся со всеми ее силами и способностями.

Немоществует и тело наше все со всеми его членами.

Исцели ны, о святый Пантелеймоне, Целебниче безмездный и любвеобильный Врачеватель, слуга Пресвятыя Богородицы, и не оставь наше окаянство в толицех недугах и в толицей немощи:

да исцелясь твоею благодатию, прославлю Пресвятую Троицу, Отца и Сына и Святаго Духа и Пресвятую Богородицу, тебе на служение болящим посылающую, и возблагодарю твою, о святый Пантелеймоне, цельбоносную святыню во веки.

Молитва святому Пантелеимону о здравии ребёнка

Обращаюсь в мольбах к тебе, Пантелеймон Целитель!

Даруй ребенку моему исцеление, ниспошли ему силы, прикоснись к плоти его, поцелуй душу его.

Погаси огонь пылающий, укроти страсть, отзови немощь.

Разбуди раба Божьего (имя), подними его с одра болезненного.

Пусть ложе озлобленное его отпустит.

Пусть он будет одарен церковным благословением.

Покоряемся воле твоей и ожидаем милости.

Благодарственная молитва святому великомученику Пантелеимону по исцелении и помощи

Святый великомучениче, целителю и чудотворче Пантелеймоне, всеизрядный угодниче Божий и молитвенниче присный христиан православных!

Достойно наречен еси Пантелеймоном, еже есть всемилостивый, яко приняв от Бога благодать молитися за ны и болезни целити, ты богатно подаеши всем, к тебе притекающим, различная исцеления и вся к жизни временней и ко спасению потребная.

Сего ради и мы, недостойнии, сподобившеся твоея милости, паки пред святою твоею иконою прибегаем к тебе, и прославляюще тя,

яко искренняго угодника Божия, нашего же вернаго молитвенника и исцелителя, усердие благодарим тя и Подателя всех благ Господа Бога нашего о великих благодеяниих, от Него тобою нам бывших.

Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас,

немощных и грешных, твоея помощи и молитвеннаго ходатайства у Господа Бога нашего, Ему же подобает всякая слава, благодарение и поклонение, Отцу и Сыну и Святому Духу, ныне и присно и во веки веков.

Буду рад, если Вы поможете развитию сайта, нажав на кнопочки ниже:) Спасибо!

АКАФИСТ СВЯТОМУ ВЕЛИКОМУЧЕНИКУ И ЦЕЛИТЕЛЮ ПАНТЕЛЕИМОНУ

Кондак 1

Икос 1







Радуйся, великомучениче и целителю Пантелеимоне.

Кондак 2
Видя тя Владыка сосуд избран, возлюби души твоея доброту. Ты бо земную всякую сладость и славу презрев, венцем мученическим возжелел еси украситися, уязвлен Божественною любовию, и вдохновенно поя: Аллилуиа.

Икос 2
Разум богодухновен имея, о доблий воителю Пантелеимоне, изумил еси царя Максимиана мужеством души твоея и словесы, имиже дерзновенно проповедал еси Христа. Темже похваляюще дерзновение твое, глаголем ти сице:
Радуйся, угрозы Максимиана презревый; радуйся, советом нечестивых непокоривыйся.
Радуйся, насаждение истиннаго богопочитания; радуйся, искоренение демонскаго служения.
Радуйся, неистовства мучителей изобличителю; радуйся, идольския прелести низложителю.
Радуйся, разгнавый нечестивых соборища; радуйся, пременивый тленная на Небесная.
Радуйся, собеседниче невещественных ангелов; радуйся, сликовствователю многострадальных святых.
Радуйся, имже сатана посрамися; радуйся, имже Христос прославися.
Радуйся, великомучениче и целителю Пантелеимоне.

Кондак 3
Силою Вышняго, дарованною тебе, и крепким терпением твоим обезсилил еси мучителеву дерзость, мужественный победоносче: огня, зверей, колеса не убоявся и мечем усечен во главу, венец победы приял еси от Христа Бога, взывая Ему: Аллилуиа.

Икос 3
Имущи обитель твоя вседрагую главу твою, богомудрый страстотерпче, яко превеликое сокровище, радости исполняется о сем и, любовию воспевающе данную тебе от Бога благодать исцелений, благодарно зовет ти:
Радуйся, Никомидии светильниче всесветлый; радуйся, чтущей тя обители страже неусыпный.
Радуйся, имже охладе безбожие; радуйся, имже возрасте богопознание.
Радуйся, светлая страстотерпцев славо; радуйся, радостное православных слышание.
Радуйся, исцелений благодатный источниче; радуйся, дарований великих вместилище.
Радуйся, благовонное миро, облагоухающее души; радуйся, яко помогаеши призывающим тя.
Радуйся, слепым зрение даровавый; радуйся, хромым благошествие устроивый.
Радуйся, великомучениче и целителю Пантелеимоне.

Кондак 4
Бурею помышлений многобожия одержим, нечестивый царь смутися, увидев от завиствовавших тебе врачев, яко всякия неисцельныя недуги целиши ты именем Христа. Мы же, с веселием славяще дивнаго в тебе Бога, вопием Ему: Аллилуиа.

Икос 4
Слышавше никомидийстии людие о великом сострадании твоем к страждущим и о безмездном врачевании от всяких болезней, устремишася вси к тебе, с верою во врачующую благодать, в тебе сущую, и, приемлюще скорая исцеления от всяких болезней, прославляху Бога и тебе величаху, всемилостиваго целителя своего, зовуще ти:
Радуйся, помазанный миром благодати; радуйся, храме Бога освященный.
Радуйся, великая благочестивых славо; радуйся, твердая озлобляемых стено.
Радуйся, мудрых превосходяяй разумом; радуйся, верных осияваяй мысли.
Радуйся, Божественных даров приятелище и многообразных нам милостей Господних источниче; радуйся, скорый помощниче страждущим.
Радуйся, обуреваемых пристанище; радуйся, заблуждших наставниче.
Радуйся, болящих туне врачуяй; радуйся, обильно исцеления источаяй.
Радуйся, великомучениче и целителю Пантелеимоне.

Кондак 5
Чудо преславное сотвори с тобою Господь, егда чрез служителя Своего Ермолая призва тя в чудный Свой свет. Ехидною бо велиею угрызенно умершее отроча по молитве твоей ко Христу абие оживе и воста здраво. Познав убо Жизнодавца всех Истиннаго Бога, с твердою верою воззвал еси Ему: Аллилуиа.

Икос 5
Узре свет слепый, емуже с призыванием имене Христова прикоснулся еси ты, славне. Ермолаем бо пресвитером просвещен, отринув отеческое многобожие, восприял еси матернее благочестие, имже и отца просветил еси. Сего ради тебе, славному угоднику Божию и чудному врачу, взываем:
Радуйся, к Богу велие рачение имеяй; радуйся, присногорящий огню Божественныя любве.
Радуйся, деятельный послушателю священных поучений Ермолая; радуйся, последовавый советам матере твоея Еввулы.
Радуйся, яко вся раздал еси, да Христа приобрящеши; радуйся, любовь к миру любовию Божиею победивый.
Радуйся, яко вместо сладких мира за Христа лютая страдания приял еси; радуйся, яко общник сотворился еси Страстем Христовым.
Радуйся, восторжествовавый над всеми страстьми; радуйся, украсивыйся благодатным безстрастием.
Радуйся, исполняяй радости притекающия к тебе; радуйся, туне исцеляяй всех благодатию Христовою.
Радуйся, великомучениче и целителю Пантелеимоне.

Кондак 6
Проповедник истины явися просвещенный тобою телесне и душевне слепец: подобно бо евангельскому слепцу, дерзновенно пред всеми исповеда Света Истиннаго Христа, просвещающа всякаго человека, нечестиваго же царя и боги языческия укорив, чрез мечное усечение взыде к немерцающему свету на Небеси пети Богу: Аллилуиа.

Икос 6
С светлым лицем представ судилищу цареву, дерзновенно взывал еси, преблаженне, во услышание всех: «Всецелебная сила моя и слава - Христос есть, Истинный Бог, Владыка всех, мертвыя воскрешаяй и всяк недуг отгоняяй». За таковое исповедание ублажающе тя, глаголем:
Радуйся, уста громогласная Божества Христова; радуйся языче медоточный, вещаяй Его домостроительство.
Радуйся, витие превысшаго богословия; радуйся, сеятелю мудрый благочестия.
Радуйся, сладкозвучная веры свирель; радуйся, славный проповедниче Православия.
Радуйся, прежде смерти явивый дивная; радуйся, по смерти совершаяй чудная.
Радуйся, зрителю славы Христовой; радуйся, послушателю молящихся тебе.
Радуйся, подателю милости тоя требующим; радуйся, ходатаю благ почитающим память твою.
Радуйся, великомучениче и целителю Пантелеимоне.

Кондак 7
Миро излияся на душу твою, богомудрый целебниче, от Утешителя Духа; темже по смерти честныя останки твоя, благоуханием своим страстей злосмрадие отгоняя, исцеление подают вопиющим верою Богу: Аллилуиа.

Икос 7
Егда узреша идольстии чтители многолетна расслабленна, молитвою твоею, святе, воздвигнута и ходяща, мнози увероваша во Христа; жрецы же бесовстии, завистию снедаеми, подвигоша царя на ярость. Тебе убо нещадно за Христа стружему и опаляему бывшу, со умилением зовем:
Радуйся, наслаждения земная презревый; радуйся, благ вещественных превысший.
Радуйся, яко вся красная мира сего ни во что же вменил еси; радуйся, яко славу скоротекущую с себе отрясл еси.
Радуйся, неуловим пребывый ловлении велиара; радуйся, победивый мучителя коварства.
Радуйся, не пощадивый за Христа жизни своея; радуйся, враг явивыйся враждебныя плоти.
Радуйся, многобожия широту утеснивый; радуйся, Божественною силою идолы поправый.
Радуйся, острейшая стрело, язвящая враги; радуйся, предстателю, заступаяй верующия.
Радуйся, великомучениче и целителю Пантелеимоне.

Кондак 8
Страннолепно являшеся тебе Господь, ободряя и соблюдая в мучениях за имя Его: во образе бо пресвитера Ермолая, клокочущее олово, в неже ввержен был еси, охлади, и в мори отрешив велий камень от выи твоея, изведе неврежденна на землю. Ты же, паки представ пред царя, торжественне пел еси Христу Богу: Аллилуиа.

Икос 8
Весь умне на Небеси водворяяся, и низу на земли сущих не оставляеши, сопребывая с нами всечестною главою твоею, великий страстотерпче Христов, приемля от Господа и подая просвещение и освящение вопиющим тебе таковая:
Радуйся, премудрости Божественныя исполненный; радуйся, промышления Божия о нас таинниче.
Радуйся, богомудренных умов услаждение; радуйся, боголюбивых душ увеселение.
Радуйся, пресветлый Христов бисере; радуйся, освященный душею и телом.
Радуйся, во дворех перворожденных на Небеси вселивыйся; радуйся, в присноблаженных обитаяй чертозех.
Радуйся, света Троическаго зрителю; радуйся, в молитвах к Богу теплый о нас предстателю.
Радуйся, просвещение душам подаваяй; радуйся, скорбящим утешение низпосылаяй.
Радуйся, великомучениче и целителю Пантелеимоне.

Кондак 9
Всякое естество удивися, Пантелеимоне, сиянию в тебе благодати и богатству добродетелей: ангелоподобней чистоте твоей, великому мужеству в лютых страданиях, крепкой любве ко Христу и многому состраданию к людем, в нихже твориши преславная, во еже пети: Аллилуиа.

Икос 9
Вития многовещанныя не возмогут по достоянию восхвалити борения твоя, славный добропобеднице, како непобедимою силою Божиею юный леты победи древняго и исконнаго врага и посрами идольскую прелесть. Мы же, удивления исполненнии, зовем ти:
Радуйся, радостное зрелище ангелов; радуйся, благоговейное удивление человеков.
Радуйся, кровь за Христа излиявый и в смерти млеко источивый; радуйся, тело за Него мученической смерти предавый.
Радуйся, исповедничества правило; радуйся, доблий воине Царя царей.
Радуйся, тьмы державца победивый; радуйся, победою твоею Небесных и земных обвеселивый.
Радуйся, горняго мира обитателю блаженный; радуйся, дольняго мира мудрый странниче.
Радуйся, древо, украшенное плодами благодатных дарований; радуйся, носяй добропобедныя ветви.
Радуйся, великомучениче и целителю Пантелеимоне.

Кондак 10
Сострадания исполнен, яко истинный подражатель Подателя милости Господа, честный страдальче, Пантелеимоном (си есть, всемилостивым) от Него преименован еси, на вся притекающия к тебе милость изливая, юже и нам неоскудно источай, о тебе вопиющим Богу: Аллилуиа.

Икос 10
Стену тя тверду обрет мучитель, никиими же муками победиму, покусися сокрушити крепость твою зубы зверей и остриями мучилищнаго колеса, обаче и в сем ничтоже успе: сила бо Христова лютость зверей укроти, а страшное коло, на немже обращаемо бе тело твое, абие сокрушися. Тебе убо, непобедимому страстотерпцу, зовем:
Радуйся, честное Христово избрание; радуйся, непорочное Богови благоухание.
Радуйся, твердый адаманте Церкве; радуйся, непоколебимый столпе, досязаяй до Небесе.
Радуйся, звери видимыя укрощаяй; радуйся, драконов невидимых сокрушаяй.
Радуйся, обагренный твоею за Христа кровию, срастворенною млеком; радуйся, неувядаемыя приемый венцы.
Радуйся, радость причинивый Ангелом и человеком; радуйся, прославленный Богом на Небеси и на земли.
Радуйся, небожителю, ликовствуяй с мученики; радуйся, насыщаяйся лицезрением Христа пресладким.
Радуйся, великомучениче и целителю Пантелеимоне.

Кондак 11
Песнь исходную приносим твоему за Христа заколению священному, в немже вместе с кровию млеко истече от тебе, великомучениче, и масличина, под неюже усечен был еси, исполнися целительных плодов. Темже Христу, дивно прославляющему славящия Его, тепле вопием: Аллилуиа.

Икос 11
Светозарная луча был еси, богомудре, во тьме многобожия седящим, путеводящая к Солнцу Правды Христу Богу, Емуже молися, во свете заповедей Его присно пребывати и нам, сицевая радостная тебе приносящим:
Радуйся, пресветлая звездо, на мысленной тверди блистающая; радуйся, луча, христоименитым людем светящая.
Радуйся, таинственно облиставаемый от Солнца Христа; радуйся, умне землю обтекаяй.
Радуйся, селение красное Пресвятаго Духа; радуйся, сосуде пречестный, изливаяй исцеления.
Радуйся, чистоты сокровище; радуйся, милости тезоимените.
Радуйся, Царствия Небеснаго наследниче; радуйся, вечныя славы сопричастниче.
Радуйся, предстателю бедствующим в мори житейстем; радуйся, безсребрениче, помогаяй призывающим тя с верою.
Радуйся, великомучениче и целителю Пантелеимоне.

Кондак 12
Благодати обилие приял еси, треблаженне, по обилию любве твоея ко Христу Богу. Иже и яви тя многоцелебным источником, безмездно врачующим душевныя и телесныя болезни притекающих к тебе с верою и Богу вопиющих: Аллилуиа.

Икос 12
Поюще многострадальныя подвиги твоя за Христа, славный страстотерпче, хвалим долготерпение твое, ублажаем мученическую кончину, почитаем и священную память твою, заступниче наш и целителю, и в похвалу сицевая тебе зовем:
Радуйся, благочестия трубо благозвучная; радуйся, мечу, посекаяй нечестие.
Радуйся, строганный на древе за Распростершаго руце Свои на древе Крестнем; радуйся, яко опаляем за Него, прелести пещь погасил еси.
Радуйся, язвами твоими враги уязвивый; радуйся, кровию твоею токи идольския крове изсушивый.
Радуйся, в кипящее олово вверженный за Христа; радуйся, погруженный за имя Его в водах морских.
Радуйся, промышлением Божиим неврежден в сих пребывый; радуйся, яко чрез огнь и воду мучения вшел еси в покой небесный.
Радуйся, изливаяй неизсякаемыя струи милости верным; радуйся, благосострадательный врачу, исцеления благодатная подаваяй.
Радуйся, великомучениче и целителю Пантелеимоне.

Кондак 13
О многострадальный и предивный страстотерпче Христов и целителю наш Пантелеимоне! Милостиво прием сие малое от нас приношение, от многообразных недугов исцели ны и предстательством твоим сохрани от враг видимых и невидимых и вечнаго мучения избавитися нам Господа умоли, да во Царствии Его выну воспеваем: Аллилуиа.

Этот кондак читается трижды, затем 1-й икос и 1-й кондак

Икос 1
Ангела земнаго и небеснаго человека вемы тя, славный Пантелеимоне: ангельскою бо непорочностию и мученичеством украшен, преселися еси от земли на Небо, идеже со ангелы и всеми святыми предстоя Престолу Господа славы, молися о нас, земных, почитающих тя звании сими:
Радуйся, светлосте благочестия; радуйся, преславный светильниче Церкве.
Радуйся, мучеников пречестных украшение; радуйся, верных в непоколебимом терпении утверждение.
Радуйся, юности преизрядная похвало; радуйся, поборниче Христов, в мужестве неодоленный.
Радуйся, произрастший в мире, премирен явивыйся; радуйся, ангеле во плоти, превосходяй смертных.
Радуйся, небожителю всеблаженный; радуйся, Божественнаго разума вместилище.
Радуйся, имже вера возвысися; радуйся, имже прелесть низложися.
Радуйся, великомучениче и целителю Пантелеимоне

Кондак 1
Избранный страстотерпче Христов и врачу благодатный, туне подаяй недугующим исцеления, песньми восхваляем тя, заступника нашего. Ты же, яко имеяй дерзновение ко Господу, от всяких бед и болезней свобождай нас, любовию тебе зовущих:
Радуйся, великомучениче и целителю Пантелеимоне.

О, великий угодниче Христов, страстотерпче и врачу многомилостивый Пантелеймоне!
Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением, не возгнушайся греховных язв моих, помажь их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь
.
Молитва первая
О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждующим врач, напаствуемым скорый покровитель, очесем недугующим прозрения датель, ссущим и младенцем скорый предстатель и исцелитель: исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славимаго Отца и Сына и Святаго Духа ныне и присно и во веки веков. Аминь.

Молитва

О преславный мучениче и доблий воине Небеснаго Царя, Пантелеимоне всеблаженне, милостиваго Бога преизрядный подражателю, иже Христа на земли дерзновенно исповедав и многообразныя за Него муки претерпев, неувядаемый приял еси венец на Небеси, идеже вечнаго наслаждаешися блаженства и со дерзновением Престолу трисолнечнаго Божества предстоиши! К твоему христоподражательному состраданию по Бозе прибегаем вси мы, грешнии, и всеусердно молим тя, теплаго заступника и предстателя нашего: не престай призирати на нас, сущих в нуждах и скорбных обстояниих, и твоею молитвенною помощию и целебоподательною силою избавляй нас присно от лютых зол, всегубительства и всякия иные беды и болезни. Ты бо приял еси, святе, неоскудную благодать исцелений от Спаса нашего Иисуса Христа за твердую твою к Нему веру, при чистом и непорочном житии, запечатленную мученичеством и многопобедною твоею кончиною, в нейже по данней ти благодати и наименован от Христа Пантелеимоном, милости тезоименитым, милующим всех притекающих к тебе в скорбех и болезнех. Сего ради, ведуще тя, милостиваго во всем помощника и целителя, с верою взываем к тебе: услыши нас и богоприятным ходатайством твоим подавай нам вся благопотребная в житии сем и нужная к вечному спасению. Мученическим же дерзновением твоим умоли милостиваго Бога, да помилует нас, грешных и недостойных, по велицей милости Своей, да избавит от труса, потопа, огня, меча и всякаго праведнаго гнева и прещения, благовременне подвизая нас к очистительному и умилостивительному во гресех наших покаянию, ради множества щедрот Своих, да подаст всем нам безбедное, тихое и богоугодное житие, православным же на вся враги победу и одоление, и всех нас от враг видимых и невидимых да сохранит благодатию Своею и непобедимым ополчением ангел Своих, имиже ограждаеми и наставляеми да поживем в веце сем в покаянии, чистоте и в творении богоугодных дел; да сподобимся твоим теплым предстательством христианскую кончину улучити безболезненну, мирну, непостыдну, избавитися от козней воздушных князей тьмы и от вечныя муки, и быти наследниками вечнаго, всеблаженнаго Царствия. Ей, угодниче Божий! Не престай молитися за ны грешныя, да твоим ходатайством временных и вечных бед избавлени, величаем тебе, заступника нашего и молитвенника, и вечно прославляем общаго Владыку и Господа нашего Иисуса Христа, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

Тропарь, глас 3

Страстотерпче святый и целебниче Пантелеимоне, моли Милостиваго Бога, да прегрешений оставление подаст душам нашим.

Кондак, глас 5

Подражатель сый Милостиваго и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.

Песнь 1

Ирмос: Во глубине постла иногда фараонистское всевоинство преоруженная сила, воплощшееся же Слово всезлобный грех потребило есть: Препрославленный Господь, славно бо прославися.

Запев: Святый великомучениче и целителю Пантелеимоне, моли Бога о нас.

Приступль усердно ко Христу, прежде скончания еже о Христе, мертвеца первее воздвиже. Ныне же мя, пребогате, умерщвена греховными снедении, твоими мольбами, о Пантелеимоне, оживи.

Возсия якоже звезда, нося во юности старостный и богомудрый разум, добротою же тела, благолепие души стяжав, препрославленному Слову явился еси прекрасен.

Святый великомучениче и целителю Пантелеимоне, моли Бога о нас.

Умертвився миру, и во Христа, блаженне, одеявся, банею крещения бысть богоносен орган, и приятелище действа Духу, всем угождая, всем уврачуя недуги.

Слава: Премудрость сестру себе притворив, и причастник жизни ведом от нея почтеся, и венцем дарований украсися, Божественныя зари, блаженне, облистая светлостию.

И ныне: Благословеньми, Пресвятая Чистая, естество, удалено преслушанием бывшее от Зиждителя Христа, рождьши венчала еси, и тления свободила еси, темже радующеся, вси вернии Тя ублажаем.
Песнь 3

Ирмос: Процвела есть пустыня яко крин, Господи, языческая неплодящая церковь, пришествием Твоим, в нейже утвердися мое сердце.

Словеса Духа услышав, был еси яко земля добрая и благоплодная, приемши семя многоценно, и рождьши, треблаженне, спасение душам.

Умертвил еси мудрование змиина угрызения, и душу оживил еси, Богодухновенен быв, и Цареви всех предстоя.

Посрамил еси безбожное мучителей повеление, и Христови притекл еси, вместо всех Сего стяжав, и был еси, Богомудре, великий купец.

Слава: Матере твоея благочестие возлюбль, славне, отчее же возненавидел еси безбожие многомятежное, яко имея разум, лучьшее избрал еси.

И ныне: Носяи Божественным мановением, всю тварь Господь, на руку носится Твоею, Дево. Егоже ныне моли, избавити от бед поющыя Тя.

По 3-й песни поем катавасию: Моли Бога о нас, святый великомучениче и целителю Пантелеимоне, яко мы усердно к тебе прибегаем, скорому помощнику и молитвеннику о душах наших.

Седален, глас 4.

Добляго страдальца благочестия Христова восхвалим светло Пантелеимона, вернии, псалмы и пении и песньми духовными, имже мучительство невидимаго врага силою Божественною попрася и недугов исцеление богатно от Господа даровася творящим верно Божественный и честный праздник его.
Слава, глас тойже:

Ермолая мудраго, мучениче, словеса послушал еси и оставил еси абие художество земное, яко мерзко, яко некрепко, яко губительно, имея Христовы страсти, учения жизни в сердце твоем, неисцельно страждущим здравие, Пантелеимоне, даруя. Темже молися о творящих любовию память твою.
И ныне:

Треволнении страстными, безсовестный обуреваемь, Чистая, призваю Тя тепле: да не презриши мене, окаяннаго, погибнути, бездну милосердия рождши, разве бо Тебе надежды не имам, да не врагом убо обрадование и смех, надеявся на Тя, явлюся, ибо можеши, елико хощеши, яко Мати сущи всех Бога.
Песнь 4

Ирмос: Пришел еси от Девы, не ходатай, ни ангел, но Сам, Господи, воплощься, и спасл еси всего мя человека, тем зову Ти: слава силе Твоей, Господи.

Последуя Владыце любовию, расточил еси богатство нищым, себе обнажая к страданию, еже и прошел еси, вечныя надежди провиде.

Хваления Богови жертву принесл еси, яве возгнушався идольских треб, все же шатание нечестивых, страстотерпче, попрал еси.

Снедаемым завистию, и гневом борющым, непоборимую силу сим представил еси, мучениче, и победил еси злочестивое томление вооружився.

Слава: Иже старца Симеона рукама Держимый, старца тя глаголы, Пантелеимоне, улови, к Божественному разумению, и ко многих спасению и избавлению.

И ныне: Юныя и девы во вслед Тебе потекоша, Деву и Отроковицу Тя и Матерь знающе. Едина бо обоя во едино собрала еси, несказанно Богоневесто.
Песнь 5

Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим: иного бо разве Тебе Бога не знаю.

Радостно подвиги подъял еси мучения. огражден силою Божественною и терпением, твердо мучения подъемля, радуяся вопияше: иного бо разве Тебе Бога не знаем.

Юношеско ты противление имея, и твердостию души воставление стяжав, всяку язву доблественне претерпе, и мужеским, блаженне, умом благодатию Божественнаго Креста укрепляемь.

Слава: Несогласное отрину вещание заблуждьших, Небесным учением, страдалец, и многим спасению преславну бысть виновник, твоим действом о Христе укрепляемь.

И ныне: Речения премудрых и гадания вся, Препрославленая, и пророк проречения, Тя проображаху, проявленно напоследок быти Божию Родительницу, иныя бо разве Тебе Чистыя не знаем.
Песнь 6

Ирмос: В бездне греховней валяяся, неисследную милосердия Твоего призываю бездну, от тли, Боже, мя возведи.

Идолы лестныя оплевал еси, и возносимую прелесть упразднил еси, чудодействуя дивная, и творя исцеления, Богомудре.

Венечник показася всеизрядне, сквозе бо огнь ты пройде и воду, и на колеси протязаемь, преславно погубил еси безумныя.

Слава: Мучителей суровьство низложил еси, не удобь носимая биения телесная, душевною крепостию пострадал еси, Богомудре, благодатию.

По 6-й песни паки катавасия:

Моли Бога о нас, святый великомучениче и целителю Пантелеимоне, яко мы усердно к тебе прибегаем, скорому помощнику и молитвеннику о душах наших.

И по сем Господи, помилуй, 12 раз, Слава, и ныне.
Кондак, глас 5-й:

Подражатель сый Милостиваго и исцелений благодать от Него прием, стратотерпче и мучениче Христа Бога, молитвами Твоими душевныя наша недуги исцели, отгоняя присно борца соблазны от вопиющих верно: спаси ны, Господи.
Икос:

Безсребренника память, добляго страдальца, вернаго целебника, благочестно воспоем, христолюбцы, да приимем милость, паче же оскверншии, якоже и аз, своя храмы, душам бо и телом, возлюбленнии, исцеления подавает. Потщимся убо, верная братия, в сердцах наших имети его крепость, избавляюща о лести вопиющия: спаси ны, Господи.
Песнь 7

Ирмос: Образу златому на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.

Законно стражда, и победив врага, пристанище благоутишно, иже в мори славне обуреваемым был еси, свет же сущым во тьме жития, ихже пети научил еси, благословен Бог отец наших.

Блажен еси и добро тебе есть ныне преблаженне. восприимшему пребогатную и блаженную надежду свою, уготованную верою Господеви зовущым, благословен Бог отец наших.

Слава: Святых души, и праведных лицы, и безплотных чин ангельский прият, сликовника, блаженне, мечем бо усечен быв во главу, поеши радуяся, благословен Бог отец наших.

И ныне: Оружие еже прежде древа животнаго, нас отлучившее, ныне обращаемо приемлет, знаменавшыяся кровию, иже из ребр Сына Твоего изшедшею, Пренепорочная. Благословена еси, Яже Бога плотию Рождьшая.
Песнь 8

Ирмос: В пещь огненну ко отроком еврейским снизшедшаго, и пламень в росу преложшаго Бога, пойте, дела, яко Господа, и превозносите во вся веки.

Художное Твоея благоцветущия души, неразумие отца исцеляет, подающи свет верою преблаженне притекающым, и ко Спасу Христу наставляющи.

По Христе заклан быв, к вечней жизни преминул еси. и Богозванен явися, именованием Божиим богомудре: тем почитаем тя, и превозносим Христа во веки.

Слава: Витийское отложь, и лютое мудрец поучение, Христовем призыванием, и лютых страстей корения посекаеши, исцеляя поющыя Христа во веки.

И ныне: Безсмертия зарю вемы источника Тя, Богородице, яко Рождьшую Слова Безсмертнаго Отца, Иже всех смерти избавляющаго, превозносящих Его во веки.
Песнь 9

Ирмос: Безначальна Родителя Сын, Бог и Господь, воплощься от Девы нам явися, помраченныя просветити, собрати расточенныя, Тем Всепетую Богородицу величаем.

Преставися радуяся к желанию конечному, идеже вселься, преблаженне, блаженныи конец прияти сподобися. воистину сыи со Владыкою своим, во веки безконечныя.

Желание получил еси, и любве Твоея исполнение, каплющей еще теплей крови, яко за Христа излиявшейся, от Негоже радуяся приял еси венцы подвиг твоих.

Львом уста, и зверем зияния, якоже Даниил древле ты обуздал еси, весть бо стыдетися, мучениче, добродетели и безсловесное естество, темже тя преславне, сошедшеся ублажаем.

Слава: Богатную милость тебе Христос дарует, сокровищ исцелением нам даруя, и всемилостива изволением, тя подав всякому скорбящему, и пристанище тихо, и предстателя и защитителя.

И ныне: Яко руно, Всенепорочная, дождь Небесныи во утробе заченши нам родила еси, иже тишину дающаго, яко Бога Того поющым и Тя, Всепетую Богородицу проповедающым.

Молитва великомученику и целителю Пантелеймону

О, великий угодниче Христов, страстотерпче и врачу многомилостивый Пантелеймоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением, не возгнушайся греховных язв моих, помажь их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь!

Молитва в болезни

Господи Боже, Владыко жизни моей, Ты по благости Твоей сказал: не хочу смерти грешника, но чтоб он обратился и жив был. Я знаю, что эта болезнь, которою я страдаю, есть наказание Твое за мои грехи и беззакония; знаю, что по делам моим я заслужил тягчайшее наказание, но, Человеколюбче, поступай со мною не по злобе моей, а по беспредельному милосердию Твоему. Не пожелай смерти моей, но дай мне силы, чтобы я терпеливо сносил болезнь, как заслуженное мною испытание, и по исцелении от нее обратился всем сердцем, всею душою и всеми моими чувствами к Тебе, Господу Богу, Создателю моему, и жив был для исполнения святых Твоих заповедей, для спокойствия моих родных и для моего благополучия. Аминь.

Ответить С цитатой В цитатник

Боже, милостив буди мне грешному (поклон).
Боже, очисти грехи моя, и помилуй мя (поклон).
Создавый мя, Господи, помилуй (поклон).
Без числа согреших, Господи, прости мя (поклон).
Владычице моя, Пресвятая Богородица, спаси мя грешного (поклон).
Ангеле, хранитело мой святый, от всякаго зла сохрани мя (поклон).
Святый (апостоле, или мучениче, или преподобне отче, имярек) моли Бога о мне (поклон).

По сем глаголи начало:

Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе, Царю Небесный:
Трисвятое по Отче наш (вместо «яко Твое есть царство»: без священника нужно читать: «Молитвами святых отец наших»), Господи, помилуй (12).
Слава и ныне:
Приидите поклонимся (трижды).
Псалом 50:
Помилуй мя, Боже:
Верую во единого Бога Отца:

По сем Канон:
Канон за болящего
Глас 3-й.
Песнь 1

Ирмос. Пресекаемое море жезлом древле, Израиль пройде яко по пустыни, и крестообразно яве, предуготовляет стези. Сего ради поем во хвалении чудному Богу нашему, яко прославися.

Запев. Милостиве Господи, услыши молитву раб Своих, молящихся Тебе.

В день печали нашедшия на ны к Тебе, Христе Спасе, припадающе, твоя милости просим, облегчи болезнь раба Твоего, изреки нам, яко сотнику: «иди, се здрав есть отрок твой».

Милостиве Господи, услыши молитву раб Своих, молящихся Тебе.

Мольбы и моления с воздыханием к Тебе, вопием Сыне Божий: помилуй нас. Воздвигни со одра лежащаго, яко раслабленнаго словом: «возьми одр твой, глаголя отпущаются ти греси твои».

Слава: Твоего, Христе, образа подобию поклоняющиеся, верою целуем, и болящему здравия просим, подражающе кровоточивый, яже подольце риз Ти коснуся исцеление недуга приять.

И ныне: Пречистая Госпоже Богородице, всем известная помощница, не презри нас к Тебе припадающих моли яко блага Своего Сына и Бога нашего, дати здравие болящему, да Тя с нами прославляет.
Песнь 3

Ирмос. Иже от несущих вся приведый, словом созидаемая, совершаемая духом Вседержителю Вышний: в любви Твоей утверди мене.

Иже от тяжких болезней на земли повержен к Тебе Христе, с нами вопиет, подаждь здравие телеси его, яко же Езекии плакавшемуся к тебе.

Призри, Господи, на наше смирение, и не помяни беззаконий наших, но веры ради болящего, яко прокаженнаго словом исцели ему болезнь, да Твое, Христе, славится имя.

Слава: Церковь, юже еси освятил, на ту Христе не даждь поношения, но воздвигни невидимо в недузе на одре лежащаго, в нейже Тя молят, да не рекут невернии, где есть Бог их.

И ныне: К Твоему пречистому, Богородице, образу руце воздеюще вопием, услыши раб Твоих молитву и спаси в болезни лежащаго, да от болезни востав, воздаст обеты, яже в печали глаголаша уста его.
Седален, глас 8.

На одре греховном слежаща мя, и страстьми уязвлена, якоже воздвиг Петрову тещу и спас разслабленнаго носима со одром, тако и ныне посети, Милостиве, болящаго, понесый недуги рода нашего, Тебе единаго свемы терпелива и милосердна, милостива врача душам и телесем, Христа Бога нашего, наводяща недуги и паки исцеляюща, подавающа прощение кающимся о согрешениих единаго милосердаго и милостиваго.

Слава гл. 2: Аз грешный плачуся на одре своем слежа, прощение ми подаждь, Христе Боже, и от болезни воздвигни мя, яже есмь от юности грехи сотворил, избыти ми молитвами Богородицы сих даруй.

И ныне: Умилосердися и спаси мя воздвигни мя от одра болезненнаго, мощь бо моя во мне изнеможе и весь нечаянием одержим есмь, Мати Божия Пречистая, исцели недугующа, Ты бо еси помощница христианом.
Песнь 4

Ирмос. Положил еси к нам твердую любовь Господи: Единородного бо Твоего Сына за ны на смерть дал. еси Темже ти зовем благодаряще: слава силе твоей, Господи.

Уж отчаянна лютым недугом и к смерти приближавшася, возвати, Христе, на живо и даждь плачущимся утеху, да вси прославляем Твоя святыя чудеса.

К Тебе, Творче, каемся своих грех, яко не хощеши смерти грешничи, оживи, оздрави болящаго, да востав послужит Ти, исповедая с нами Твою благость.

Слава: Слезы Манасиины, Ниневитян покаяние, Давидово исповедание приим, вскоре спасл еси: и наши молитвы ныне приими, даждь здравие болящему, о нем же Ти молим.

И ныне: Подаждь нам Твою милость Госпоже, всегда на Тя надеющимся, испроси здравие болящему, врачебнии Твои руце с Предтечею, Богородице, ко Господу Богу простирающи.
Песнь 5

Ирмос. На земли невидимый явился еси, и человеком волею сожил еси непостижимый, и к Тебе утренююще, воспеваем Тя, Человеколюбче.

Дщерь Иаирову уже умершу, яко Бог оживил еси, и ныне возведи, Христе Боже, от врат смертных болящаго, Ты бо еси путь и живот всем.

Сына вдовича оживил, Спасе, и тоя слезы преложив на радость, спаси от недуга тлеющаго раба сего, да и наша скорбь и болезнь на радость прейдет.

Слава: Огненную болезнь тещи Петрове прикосновением Твоим исцелив, и ныне востави болящаго раба Твоего, да востав, яко Иона, послужит Ти.

И ныне: Скорбнии, смирении, грешнии, не имеющии дерзновения, к Тебе Пречистая Богомати вопием, умоли Сына своего Христа, дати болящему здравие телеси.
Песнь 6

Ирмос. Бездна последняя грехов обыде мя, и исчезает дух мой, но прострый, Владыко, высокую Твою мышцу, яко Петра мя Управителю, спаси.

Бездну милосердия и милости имея, Христе Боже, внуши моления раб Твоих. Ты бо еси Петром Тавифу воскресив, Ты и ныне в болезни лежащаго воздвигни, послушав церковных молитвенник.

Врачу душам и телесем нашим, понесый недуги всего мира, Христе, Енея Петром исцеливый, Ты и ныне болящаго исцели, Святых Апостол молитвами.

Слава: Преложи, Христе, на радость рыдание о недужнем скорбящих, да Твою получивше милость, внидут в дом Твой, со обетными дарами, славяща Тя в Троице единаго Бога.

И ныне: Приидите, о друзи, поклонимся молящеся о болящем Божии Матери, Та бо имеет власть недужная исцеляти, со безмездникома вкупе духовным невидимо помазающе маслом.
Кондак по шестой песни, глас 3.

Душу мою, Господи, во грехах всяческих, и безместными деяньми люте разслабленну, воздвигни Божественным человеколюбием, якоже и разслабленнаго воздвигл еси древле, да зову Ти спасаем: щедрый Христе, даждь ми исцеление.
Икос:

Иже руки Своея горстию содержай концы, Иисусе Боже, Иже Отцу собезначальный, и Духу Святому совладычествуя всяко плотию, явился еси, недуги исцеляя, и страсти очистил еси, слепца просветил еси, и раслабленнаго словом Божественным совоставил еси, сего право ходяща сотворив и одр повелел еси на рамо взяти. Тем же вси с ним воспеваем и поем: щедрый Христе, даждь ми исцеление.
Песнь 7

Ирмос. Прежде образу златому, персидскому чтилищу, отроцы не поклонишася, трие поюще посреде пещи: отцев Боже, благословен еси.

О Кресте Пресвятый Христов, Честное Древо животное, тобою смерть погибе и мертвии воскресоша, и ныне больнаго исцели и оживи, якоже при Елене умершую девицу.

Долгую и лютую болезнь Иовлю на гноищи и в червех того молящася, словом исцелил еси, Господи. И ныне же в церкви о болящем молим Тя, яко благ исцели невидимо молитвами Святых Твоих.

Слава: Вси свемы, яко умрети нам есть, Тебе Богу тако изволившу, но на мало время Милостиве, здравия просим болящему, премени от смерти на жизнь даждь скорбящим утеху.

И ныне: Пособствуй и помогай нашему сиротству, Богородице, Ты бо веси время и час, когда умолити Сына Твоего и Бога нашего, дати болящему здравие и прощение от всех грех.
Песнь 8

Ирмос.Служити живому Богу, в Вавилоне отроцы претерпевше, о мусикийских органах нерадиша, и посреди пламени стояще боголепную песнь воспеваху, глаголюще: благословите вся дела Господня Господа.

Здрава покажи, Владыко, болящаго раба Твоего, и скоро исцели, милостиве Христе Боже, и еще смерти не предаждь судней да Ти покаяние воздаст. Сам бо рекл еси: не хощу смерти грешничи.

Господи милостиве, твоя преславная чудеса и до нас ныне достигнут: бесы прожени, недуги погуби, раны исцели, болезни уврачуй, и потворы и чародеяния и всякие язи избави ны.

Слава: Запретивый, Христе, морским ветром, и страх ученик на радость преложивый, и ныне запрети тяжким болезнем, труждающим раба Твоего, да вси возвеселимся, хваляще Тя во веки.

И ныне: Избави, Богородице, от обышедших ны печалей, различных недуг, отравы же и чародейства, и бесовского мечтания и от урока злых человек и напрасныя смерти, молимся.
Песнь 9

Ирмос. На синайстей горе виде Тя в купине Моисей, неопально огнь Божества заченшую во чреве; Даниил же Тя виде гору несекомую, жезл прозябший, Исаия взываше, от корене Давидова.

Источниче жизни, подателю Христе милости, не отврати лица Твоего от нас, облегчи болезнь утружденному болезнею, и воздвигни яко Фаддеем Авгаря, да присно Тебе славит, со Отцем и Святым Духом.

Евангельскому верующе гласу, Твоего ищем обета, Христе: просите, рекл еси бо, и дастся вам. Тем ныне предстояще молим Тя, возстави со одра здрава лютым повержена недугом, да Тя с нами вкупе величает.

Слава:Мучимый недугом, внутрь невидимыми ранами, Тебе, Христе, с нами вопиет, не нам Господи, не нас ради, вси бо есмы исполнены грехов, но Матерними и Предтечевыми молитвами даждь исцеление болящему, да Тя вси возвеличим.

И ныне:Божия, Мати Пречистая, со всеми Святыми призываем Тя: со Ангелы и Архангелы, со пророки и патриархи, со Апостолом, с преподобными, праведными молися Христу Богу нашему, дати здравие болящему, дя Тя вси величаем.
Молитва

Боже сильный милостию, строяй вся на спасение роду человеческому, посети раба Своего сего (имярек), нарицающа имя Христа твоего, исцели его от всякаго недуга плотскаго и отпусти грехи и греховные соблазны, и всяку напасть, и всякое нашествие неприязненно далече сотвори от раба Твоего, и воздвигни от одра греховнаго, и устрой его во святую Твою Церковь здрава душею и телом и делы добрыми славящаго со всеми людьми имя Христа Твоего, яко Тебе славу возсылаем, со безначальным Ти Сыном, и со Святым Духом ныне и присно и во веки веков. Аминь.

По окончании:

Достойно есть:
Слава и ныне: Господи, помилуй (трижды) Благослови:
Молитвами святых отец наших:

По сем нужно положить обычные отходные поклоны с молитвами:

«Боже, очисти мя грешнаго и помилуй мя!» (Поклон):
«Создавый мя, Господи, помилуй мя»! (Поклон).
«Без числа согреших, Господи прости мя!» (Поклон).
«Кресту Твоему поклоняемся, Владыко, и Святое Воскресение Твое славим» (Поклон).
«Достойно есть»... (Поклон)
«Слава и ныне»: «Господи, помилуй»(трижды) «Благослови»

И отпуст:

Молитвами святых Отец Наших, Господи, Иисусе Христе Боже наш, помилуй нас. Аминь.

Тропарь, глас 3

Страстотерпче святый и целебниче Пантелеимоне, / моли милостиваго Бога, / да прегрешений оставление / подаст душам нашим.

Песнь 1

Ирмос : Во глубине постла иногда / фараонитское всевоинство преоруженная сила, / воплощшееся же Слово всезлобный грех потребило есть; / препрославленный Господь славно бо прославися.

Припев:

Приступль усердно ко Христу, / прежде скончания, еже о Христе, мертвеца первее воздвигл еси. / Ныне же мя, пребогате, умерщвлена греховным угрызением, / твоими молитвами, о Пантелеимоне, оживотвори.
Возсия, якоже звезда, нося в юности старостный и богомудрый разум, / добротою же тела благолепие души стяжав, / препрославленному Слову явился еси прекрасен.
Умертвився миру и во Христа, блаженне, одеявся банею Крещения, / был еси богоносен орган и приятелище действа Духу, / всем угождая, всем уврачуя недуги.

Слава: Премудрость сестру себе притворив и причастник жизни ведом, / от нея почтился еси / и венцем дарований украсился еси, / Божественныя зари, блаженне, облистая светлостию.
И ныне: Благословеньми, Пресвятая Чистая, / естество, удалено преслушанием бывшее от Зиждителя, / Христа рождши, венчала еси и тления свободила еси. / Темже, радующеся, вси вернии, Тя ублажаем.

Песнь 3

Ирмос: Процвела есть пустыня, яко крин, Господи, / языческая неплодящая Церковь / пришествием Твоим, / в нейже утвердися мое сердце.

Припев: Святый великомучениче и целебниче Пантелеимоне, моли Бога о нас.

Словеса Духа услышав, / был еси яко земля добрая и благоплодная, / приемый семя многоценно / и родивый, треблаженне, спасение душам.
Умертвил еси мудрование змиина угрызения и душу оживил еси, / богодохновенно возродився и Царю всех предстоя.
Посрамил еси безбожное мучителей повеление и ко Христу притекл еси, / вместо всех Сего стяжав, / и был еси, Богомудре, великий купец.
Слава: Матере твоея благочестие возлюбль, славне, / отчее же возненавидел еси безбожие многомятежное, / яко имея разум, лучшее избрал еси.
И ныне: Носяй Божественным мановением всю тварь, Господь / на руку носится Твоею, Дево. / Егоже ныне моли избавити от бед поющия Тя.

Господи, помилуй (трижды)

Добляго страдальца благочестия Христова восхвалим светло Пантелеимона, вернии, / псалмы, и пении и песньми духовными, / имже мучительство невидимаго врага силою Божественною попрася / и недугов исцеление богатно от Господа даровася / творящим верно Божественный и честный праздник его.
Слава, глас тойже: Ермолая мудраго, мучениче, словес послушал еси / и оставил еси абие художество земное, яко мерзко, яко не крепко, яко губительно, / имея Христовы страсти, учения жизни в сердце твоем, / неисцельно страждущим здравие, Пантелеимоне, даруя. / Темже молися о творящих любовию память твою.
И ныне, Богородичен: Треволнении страстными, безсовестный аз, обуреваемь, Чистая, призываю Тя тепле: / да не презриши мене, окаяннаго, погибнути, бездну милосердия рождши, / разве бо Тебе надежды не имам, / да не врагом убо обрадование и смех, надеявся на Тя, явлюся, / ибо можеши, елико хощеши, яко Мати сущи всех Бога.

Песнь 4

Ирмос: Пришел еси от Девы не ходатай, ни Ангел, / но Сам, Господи, воплощся, / и спасл еси всего мя, человека. / Тем зову Ти: слава силе Твоей, Господи.

Припев: Святый великомучениче и целебниче Пантелеимоне, моли Бога о нас.

Последуя Владыце любовию, / расточил еси богатство нищим, / себе обнажая к страданию, / еже и прошел еси, вечныя надежды провидев.
Хваления Богу жертву принесл еси, / яве возгнушався идольских треб, / все же шатание нечестивых, страстотерпче, попрал еси.
Снедаемым завистию и гневом боримым, / непоборимую силу сим представил еси, мучениче, / и победил еси злочестивое томление, вооружився.
Слава: Иже старца Симеона руками держимый, / старца тя глаголы, Пантелеимоне, улови к Божественному разумению / и ко многих спасению и избавлению.
И ныне: Юныя и девы во след Тебе потекоша, / Деву и Отроковицу Тя и Матерь зряще, / едина бо обоя во едино собрала еси несказанно, Богоневесто.

Песнь 5

Ирмос: Просвещение во тьме лежащих, / спасение отчаянных, Христе, Спасе мой, / к Тебе утренюю, Царю мира, / просвети мя сиянием Твоим, / иного бо, разве Тебе, бога не знаю.

Припев: Святый великомучениче и целебниче Пантелеимоне, моли Бога о нас.

Радостно подвиги подъял еси мучения, огражден силою Божественною, / и, терпением твердо мучения подъемля, радуяся, вопиял еси: / иного бо, разве Тебе, бога не знаем.
На подвиг борьбы вступив, блаженне, Божественною силою превозмогл еси / безбожных нечестивое тиранство и неистовство идолослужения, / облекся во Христа, Судию и Венчателя подвигов.
Юношеско ты противление имея и твердостию души возставление стяжав, / всяку язву доблественне претерпел еси, / и мужеским, блаженне, умом, / благодатию Божественнаго Креста укрепляемь.
Слава: Несогласное отрину вещание заблуждших, / Небесным учением страдалец и многим спасению преславну бысть виновник, / Твоим действом, Христе, укрепляемь.

И ныне: Речения премудрых, и гадания вся, Препрославленная, / и пророк проречения Тя проображаху проявленно напоследок бьгги Божию Родительницу, / иныя бо, разве Тебе, чистыя не знаем.

Песнь 6

Ирмос: В бездне греховней валяяся, / неизследную милосердия Твоего призываю бездну: / от тли, Боже, мя возведи.

Припев: Святый великомучениче и целебниче Пантелеимоне, моли Бога о нас.

Идолы лестныя оплевал еси / и возносимую прелесть упразднил еси, / чудодействуя дивная и творя исцеления, Богомудре.
Венечник показался еси, всеизрядне, / сквозе бо огнь ты прошел еси и воду, / и, на колеси протязаемь, / преславно погубил еси безумныя.
Слава: Мучителей суровство низложив, / неудобь носимая биения телесная душевною крепостию, / пострадал еси, Богомудре, благодатию.
И ныне: Содержай концы земли, яко Бог, / Твоими, руками, Чистая, держится описанием тела, / Иже Божественным зраком неописанный.

Господи, помилуй (трижды) Слава, и ныне:

Кондак, глас 5
Подражатель сый Милостиваго / и исцелений благодать от Него прием, / страстотерпче и мучениче Христа Бога, / молитвами твоими душевныя наша недуги исцели, / отгоня присно борца соблазны от вопиющих верно: / спаси ны, Господи.
Икос: Безсребренника память, добляго страдальца, вернаго целебника, / благочестно воспоем, христолюбцы, да приимем милость, / паче же оскверншии, якоже и аз, своя храмы, / душам бо и телом, возлюбленнии, исцеления подавает. / Потщимся убо, верная братия, в сердцах наших имети его крепость, / избавляюща от лести вопиющия: / спаси ны, Господи.

Песнь 7

Ирмос: Телу златому премудрый дети не послужиша, / и в пламень сами поидоша, / и боги их обругаша, / среди пламене возопиша, и ороси я Ангел: / услышася уже уст ваших молитва.

Припев: Святый великомучениче и целебниче Пантелеимоне, моли Бога о нас.

Законно стражда и победив врага, / пристанище благоутишно сущим в мори, славне, обуреваемым был еси, / свет же сущим во тьме жития, / и пети научил еси: / благословен Бог отец наших.
Блажен еси, и добро тебе есть ныне, преблаженне, / восприимшему пребогатную и блаженную надежду твою, / уготованную верою Господеви зовущим: / благословен Бог отец наших.
Слава: Святых души, и праведных лицы, / и Безплотных чини Ангельстии прияша сликовника тя, блаженне, / мечем бо усечен быв во главу, поеши, радуяся: / благословен Бог отец наших.
И ныне: Оружие, еже прежде древа животнаго нас отлучившее, / ныне, обращаемо, приемлет знаменавшияся Кровию, из ребр Сына Твоего изшедшею, Пренепорочная. / Благословена еси, Бога плотию рождшая.

Песнь 8

Ирмос: В пещь огненную ко отроком еврейским снизшедшаго / и пламень в росу преложшаго Бога / пойте, дела, яко Господа / и превозносите во вся веки.

Припев: Святый великомучениче и целебниче Пантелеимоне, моли Бога о нас.

Благоприятное твоея хитрости душевное ослепление отчее исцеляет, / подающее свет верою, преблаженне, притекающим / и ко Спасу Христу наставляющее.
За Христа заклан быв, к вечней жизни преминул еси / и Богозванен явился еси именованием Божиим, Богомудре. / Тем почитаем тя и превозносим Христа во веки.

Слава: Витийское отложив лютое мудрых глумление, / Христовым призыванием болезненных страстей корения посекаеши, / исцеляя превозносящия Христа во веки.
И ныне: Безсмертия зарю вемы источника Тя, Богородице, / яко рождшую Слово Безсмертнаго Отца, всех смерти избавляющего, / превозносящих Его во веки.

Песнь 9

Ирмос: Безначальна Родителя Сын, Бог и Господь, / воплощся от Девы, нам явися, / омраченная просветити, собрати расточенная. / Тем Всепетую Богородицу величаем.

Припев: Святый великомучениче и целебниче Пантелеимоне, моли Бога о нас.

Преставился еси, радуяся, к желанию конечному, / идеже вселивcя, преблаженне, блаженный конец прияти воистинну сподобился еси, / сый со Владыкою твоим во веки безконечныя.
Желание получил еси и любве твоея исполнение, / каплющей еще теплей крови, за Христа излиявшейся, / от Негоже, радуяся, приял еси венцы подвигов твоих.
Львов уста и зверей зияния, якоже Даниил древле, ты обуздал еси, / весть бо стыдетися, мучениче, добродетели и безсловесное естество. / Темже тя, преславне, сошедшеся, ублажаем.

Слава: Богатную благость тебе Христос дарует, / сокровище исцелений нам даруя / и всемилостива изволением тя подав всякому скорбящему, / и пристанище тихое, и предстателя, и защитителя.
И ныне: Яко руно, Всенепорочная, дождь Небесный во утробе заченши, / нам родила еси тишину Дающаго / яко Бога Того поющим / и Тя, Всепетую Богородицу, проповедающим.

Светилен. Подобен: Учеником:

Милостивую твою душу провиде Бог, Пантелеимона тя проповеда, / безсребренно бо требующим исцеление источаеши, святе, / мучителей свирепство терпением твоим победивый.
Слава, и ныне, Богородичен: Богородицу песньми немолчными благочестно поем, вопиюще: / радуйся, горо святая, / радуйся, престоле огненосный всех Царя, / радуйся, похвало Ангелов и святых славо.

О, великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя славы Его наслаждаяйся, телом же и ликом святым на земли в Божественных храмех почиваяй и данною ти свыше благодатию различная источаяй чудеса, призри милостивым твоим оком на предстоящия люди и честней твоей иконе умильно молящияся и просящия от тебе целебныя помощи и заступления. Простри ко Господу Богу нашему теплыя своя молитвы и испроси душам нашим оставление согрешений.

Се бо мы за беззакония наша не смеюще возвести очес наших к высоте Небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих.

Буди нам в печалех утешитель, в недузех лютых страждущим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель. Исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя, Бога Единаго в Троице Святей славимаго, Отца и Сына и Святаго Духа, ныне и присно и во веки веков. Аминь.

Канон Великомученику и Целителю Пантелеимону

Тропарь, глас 3

Страстотерпец святой и целитель Пантелеимон / умоли милостивого Бога, / да согрешений прощение / подаст Он душам нашим.

Канон, Творение Феофаново, Глас 2
Песнь 1

Ирмос: Некогда погубила во глубине / все войско фараоново превосходнейшая сила, / воплотившееся же Слово истребило зловредный грех, - / препрославленный Господь; / ибо славно Он прославился.

Припев:

Приступив усердно ко Христу, / ты мертвеца сперва воздвиг, / прежде твоей за Христа кончины. / Ныне же, всеблаженный, / меня, умерщвлённого уязвлением греха, / твоими мольбами, о Пантелеимон, оживи.
Воссиял ты, как звезда, / в юности нося старческий и богомудрый разум, / с красотою же тела и благолепие души стяжав, / препрославленному Слову явился ты прекраснейшим. Умерши для мира / и облекшись, блаженный, во Христа, / в купели крещения ты стал органом богоносным, / и вместилищем действия Духа, / всем служа, всем врачуя недуги.
Слава: Приобретя Премудрость в подруги себе, / и ее в союзницы жизни привлекая, / ты, блаженный, почтен был ею и украшен / благодатных даров венцом, / блистая светлостью / божественного озарения.
И ныне: Христа родив, Пресвятая, Досточтимая, / Ты, [проклятое] наше естество, / ставшее (удаленным) за ослушание от Создателя, / (благословениями) увенчала и освободила от тления; / потому все мы, верные, / Тебя радостно прославляем.

Песнь 3

Ирмос: Расцвела как лилия пустыня, Господи, / - языческая бесплодная церковь - с пришествием Твоим; / в ней утвердилось мое сердце.

Припев: Святой великомученик и целитель Пантелеимон, моли Бога о нас.

Слова Духа услышав, треблаженный, / был ты как добрая и плодородная земля, / принявшая семя драгоценное, / и родившая спасение душ.
Умертвил ты мудрствование / - плод змием уязвления, / и душу оживил, богодухновенно возродившись, / и ныне Царю всех предстоя. Отверг ты безбожное тиранов повеление, / и ко Христу поспешил, вместо всех благ Его стяжав, / и стал, Богомудрый, великим купцом.
Слава: Матери своей благочестие / возлюбил ты, славный, / возненавидел же безбожие отца многомятежное: / как имеющий разум, ты лучшее избрал.
И ныне: Господь, носящий все творение / божественным мановением, / на руках Твоих, Дева, носится. / Его ныне умоли / избавить от бед души наши. (слав.: воспевающих Тебя.)

Господи, помилуй (трижды)

Седален, глас 4. Подобен: Удивися Иосиф:
Доблестного страдальца за благочестие Христово - Пантелеимона / восхвалим, верные, блистательно / псалмами, и гимнами, и песнями духовными: / им самовластие невидимого врага / силою Божественною было попрано / и исцеление недугов щедро от Господа даровано / с верою совершающим Божественный и досточтимый праздник его.*
Слава, глас тот же: Ермолая мудрого слов / ты, мученик, послушался / и оставил тотчас искусство земное, / как мерзкое, как бессильное, как губительное, / имея Христовы страдания - учения жизни в сердце твоем, / и страждущим неисцелимо здравие даруя, Пантелеимон. / Потому молись о совершающих с любовию память твою.
И ныне, Богородичен: Треволнениями страстными обуреваемый, / я, бессовестный, горячо призываю Тебя, Чистая: / не презри меня, несчастного, не попусти погибнуть, / Бездну Милосердия родившая! / Ибо кроме Тебя я надежды не имею, / да не явлюсь же радостью и посмешищем врагам, надеясь на Тебя, / ибо можешь Ты, все, что хочешь, / как Матерь истинная всех Бога.

Песнь 4

Ирмос: Ты пришел от Девы не посланник, / ни Ангел, но Сам Господь во плоти, / и спас всего меня, человека. / Потому я к Тебе взываю: / "Слава силе Твоей, Господи!"

Припев: Святой великомученик и целитель Пантелеимон, моли Бога о нас.

Уязвляясь любовию к Владыке, / раздал ты богатство нищим, / готовя себя к подвигу; / который и завершил, / вечные надежды провидя.
Хваления жертву Богу ты принес, / святынями идольскими открыто возгнушавшись, страстотерпец, / и попрал всю надменность нечестивых.
Снедаемым клеветою и гневом боримым, / ты им силу непреоборимую противопоставил, мученик, / и, изготовившись победил / нечестивое самовластие.
Слава: Тот, Кого держали руки старца Симеона, / тебя, Пантелеимон, речами старца уловил / к Божественному познанию / и ко спасению многих и избавлению.
И ныне: Юные и девы поспешили Тебе вслед, / Тебя, Деву юную и Матерь созерцая. / Ибо Ты одна неизреченно воедино собрала / и то и другое, Божия Невеста.

Песнь 5

Ирмос: Просвещение во тьме лежащих, / спасение отчаявшихся, Христе Спаситель мой! / К Тебе с рассвета устремляюсь, Царь мира, / просвети меня сиянием Твоим: / ибо кроме Тебя я иного Бога не знаю.

Припев: Святой великомученик и целитель Пантелеимон, моли Бога о нас.

Радостно борения свидетельства ты принял на себя. / огражденный силою Божественною и терпением твердым, / и муки перенося, с радостью взывал: / "Кроме Тебя иного Бога не знаю!" На подвижнические борения выступив, блаженный, / ты Божественною силой превозмог / безбожных нечестивое тиранство / и неистовство суеверия / облекшись во Христа, / Судию и увенчивающего за подвиги.
Юношеское и твердое сопротивление имея / и величие души стяжав, / ты всякую муку, блаженный, твердо претерпел / и в мужественном уме своем / благодатью Божественного Креста был укрепляем.
Слава: Отринул нескладную заблудших речь / ради небесного учения, страдалец, / и стал для многих виновником преславного спасения, / Твоим действием, Христе, укрепляемый.
И ныне: Изречения премудрых и загадки все, / и пророков предсказания / ясно Тебя, Прославленная, прообразовали: / что в дни последние Ты станешь Божией Родительницей; / ибо иной кроме Тебя Непорочной мы не знаем.

Песнь 6

Ирмос: В бездне греховной носимый, / непостижимую милосердия Твоего призываю бездну: / от гибели Боже меня изведи!

Припев: Святой великомученик и целитель Пантелеимон, моли Бога о нас.

Идолов ложных ты презрел, / и упразднил обман взымающийся, / чудодействуя дивно и исцеления творя, / богомудрый.
Венценосцем ты явился превосходнейшим, / ибо сквозь огонь и воду ты прошел, / и, растягиваемый на колесе, / предивно погубил безумных.
Слава: Мучителей дерзость низложив, / непереносимые телесные мучения / ты с душевною крепостью претерпел, / силою благодати, Богомудрый.
И ныне: Удерживающий круг земли, как Бог, / в Твои объятия, Чистая, заключается, / ограниченный телесно, / Тот, Кто по Божественному образу беспределен.

Господи, помилуй (трижды) Слава, и ныне:

Кондак, Глас 5
Подражатель Милостивого / и получивший от Него исцелений благодать, / страстотерпец и мученик Христа Бога! / Молитвами твоими душевные наши недуги исцели, / отгоняя всегда врага соблазны / от взывающих: / "Спаси нас, Господи!"

Икос: Бессребреника память, доблестного страдальца, / верного целителя, воспоем благоговейно, да примем милость, христолюбцы; / особенно же осквернившие, как и я, храмы свои, / ибо душам, как и телам, (возлюбленные), он исцеления подает. / Постараемся же, (верные) братия, / в сердцах наших иметь крепость его, / избавляющего от обольщения взывающих [непрестанно]: / "Спаси нас, Господи!"

Песнь 7

Ирмос: Когда идолу златому на поле Деире служили, / три Твоих отрока пренебрегли безбожным повелением; / и, в огонь вверженные, но росою окропляемые, пели: / "Благословен Ты, Боже отцов наших!"

Припев: Святой великомученик и целитель Пантелеимон, моли Бога о нас.

Законно подвизаясь и победив врага, / пристанью тихою в бурном море плавающим стал ты, славный, / светом же - пребывающим во тьме жития, / которых и петь ты научил: / "Благословен Бог отцов наших!"
Блажен ты, и прекрасно ныне, тебе блаженнейший, / принявшему богатейшую и блаженную надежду свою, / предназначенную с верою Господу зовущим: / "Благословен Бог отцов наших!"
Слава: Святых души, и сонмы праведных, / и полки бесплотных Ангелов приняли тебя в свой хор; / ибо мечом усеченный во главу, / ты поешь радостно, блаженный: / "Благословен Бог отцов наших!"
И ныне: Меч, нас прежде от древа жизни отлучивший, / ныне вспять обращаясь открывает вход / запечатленным кровью, из ребр Сына Твоего исшедшею, Пренепорочная. / Благословенна (Ты), Бога по плоти Родившая!

Песнь 8

Ирмос: В печь огненную / ко отрокам еврейским сошедшего, / и пламя в росу превратившего Бога, / воспевайте, все творения, как Господа / и превозносите во все века.

Припев: Святой великомученик и целитель Пантелеимон, моли Бога о нас.

Искусное твое, преблаженный, дарование / исцеляет душевную близорукость твоего отца, / и подает свет с верою прибегающим, / и ко Спасителю Христу приводит.
За Христа закланный, / ты к вечной жизни перешел. / и богопризванным явился, богомудрый, / божественным именованием Христовым был почтён / и превозносишь Христа вовеки.
Слава: Красноречивое и искусное / мудрецов пустословие отвергнув, / ты призыванием Христа / болезненных страстей корни отсекаешь, / исцеляя превозносящих Христа вовеки.
И ныне: Источник и сияние Бессмертия / мы знаем Тебя, Богородица, / как Родившую Слово Бессмертного Отца, / избавляющего от смерти всех, / превозносящих Его вовеки.

Песнь 9

Ирмос: Безначального Родителя Сын, Бог и Господь, / воплотившись от Девы, нам явился / омраченных просветить, собрать рассеянных. / Потому мы всеми воспеваемую Богородицу величаем.

Припев: Святой великомученик и целитель Пантелеимон, моли Бога о нас.

Переселился ты, радуясь, / к пределу всех стремлений, / где водворившись, преблаженный, / воистину сподобился конец блаженнейший стяжать, / с Владыкою своим пребывая во веки бесконечные.
Желанного достиг ты / и исполнения твоей любви: / еще капала теплая кровь, за Христа истощившаяся, / [и ради Него пролитая, всеблаженный, ] / как ты уже, радуясь, принял от Него / венцы за твои борения.
Пасти львов и зверей разверстые уста, / как в древности Даниил, ты обуздал, / ведь доблесть мучеников почитать / и неразумных естество умеет. / Потому мы тебя, всехвальный, собравшись прославляем.
Слава: Щедро благость подает тебе Христос, / исцелений сокровище нам даруя, / и тебя Всемилостивым нарекает, / всякому скорбящему подав / и тихую пристань, и покровителя, и защитника.
И ныне: Ты - как руно, Всенепорочная, / Дождь небесный, во утробе зачав, нам родила, / пищу бессмертия дающего воспевающим Его, как Бога / и Тебя, Всехвальную, Богородицей провозглашающим.

Светилен. Подобен: Учеником:

Милостивую твою душу провидев, / Пантелеимоном Бог тебя провозгласил: / ибо ты, святой, бесплатно нуждающимся исцеление источаешь, / мучителей жестокость своим терпением победив.*
Слава, и ныне, Богородичен: Богородицу песнопениями неумолкающими / благоговейно воспоем, взывая: / "Радуйся, гора святая; / радуйся, престол огневидный всех Царя; / радуйся, похвала Ангелов и святых слава!"

Молитва святому великомученику Пантелеимону

О великий Христов угодник и преславный целитель, великомученик Пантелеимон! Душою на Небесах Престолу Божию предстоящий и триипостасной Его славой наслаждающийся, телом же и ликом святым на земле в Божественных храмах почивающий и данною тебе свыше благодатью различные чудеса источающий! Воззри милостивым твоим оком на предстоящих людей, пред святой твоей иконой со умилением молящихся и просящих у тебя целебной помощи и защиты: простри ко Господу Богу нашему горячие твои молитвы и испроси душам нашим отпущение согрешений.

Ибо мы за беззакония наши не смея ни возвести очи наши к высоте небесной, ни вознести глас моления к Его в Божестве неприступной славе, с сердцем сокрушенным и духом смиренным тебя, ходатая милостивого ко Владыке и молитвенника за нас, грешных, призываем, ибо ты принял от Него благодать недуги отгонять и страсти исцелять. И вот, мы тебя просим: не пренебреги нами, недостойными, молящимися тебе и нуждающимися в твоей помощи!

Будь нам в печалях утешителем, страждущим в недугах тяжких - врачом, бедствующим - скорым покровителем, очам больным - прозрения подателем, грудным младенцам и детям - в скорбях усерднейшим заступником и исцелителем: испроси всем всё, что ко спасению полезно, дабы твоими ко Господу Богу молитвами благодать и милость получив, мы прославили всех благ Источника и даров Подателя Бога, Единого в Троице Святой славимого, Отца и Сына и Святого Духа ныне и всегда и во веки веков. Аминь.

Молитва первая

О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждующим врач, напаствуемым скорый покровитель, очесем недугующим прозрения датель, ссущим и младенцем в скорбех готовейший предстатель и исцелитель: исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славимаго Отца и Сына и Святаго Духа ныне и присно и во веки веков. Аминь.

Молитва вторая

О преславный мучениче и доблий воине Небеснаго Царя, Пантелеимоне всеблаженне, милостиваго Бога преизрядный подражателю, иже Христа на земли дерзновенно исповедав, и многообразныя за Него муки претерпев, неувядаемый приял еси венец на Небеси, идеже вечнаго наслаждаешися блаженства, и со дерзновением Престолу трисолнечнаго Божества предстоиши! К твоему христоподражательному состраданию по Бозе прибегаем вси мы грешнии, и всеусердно молим тя, теплаго заступника и предстателя нашего: не престай призирати на нас, сущих в нуждах и скорбных обстояниях, и твоею молитвенною помощию и цельбоподательною силою избавляй нас присно от лютых зол, всегубительства и всякия иные беды и болезни. Ты бо приял еси, святе, неоскудную благодать исцелений от Спаса нашего Иисуса Христа за твердую твою к Нему веру, при чистом и непорочном житии, запечатленную мученичеством и многопобедною твоею кончиною, в нейже по данней ти благодати и наименован от Христа Пантелеимоном, милости тезоименитым, милующим всех притекающих к тебе в скорбех и болезнех. Сего ради ведуще тя милостиваго во всем помощника и целителя, с верою взываем к тебе: услыши нас и богоприятным ходатайством твоим подавай нам вся благопотребная в житии сем и нужная к вечному спасению. Мученическим же дерзновением твоим умоли милостиваго Бога, да помилует нас грешных и недостойных по велицей милости Своей, да избавит от труса, потопа, огня, меча и всякаго праведнаго гнева и прещения, благовременне подвизая нас к очистительному и умилостивительному во гресех наших покаянию, ради множества щедрот Своих, да подаст всем нам безбедное, тихое и богоугодное житие, православным же на вся враги победу и одоление, и всех нас от враг видимых и невидимых да сохранит благодатию Своею и непобедимым ополчением Ангел Своих, имиже ограждаеми и наставляеми да поживем в веце сем в покаянии, чистоте и в творении богоугодных дел; да сподобимся твоим теплым предстательством христианскую кончину улучити безболезненну, мирну, непостыдну, избавитися от козней воздушных князей тьмы и от вечныя муки, и быти наследниками безконечнаго, всеблаженнаго Царствия. Ей, угодниче Божий! Не престай молитися за ны грешныя, да твоим ходатайством временных и вечных бед избавлени, величаем тебе, заступника нашего и молитвенника, и вечно прославляем общаго Владыку и Господа нашего Иисуса Христа, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

Молитва третья преосвященного Иеремии (Отшельника)

Святый великомучениче и целебниче Пантелеимоне! Моли Бога о нас и не допусти долее оставаться в нас тем болезням, коими болим душею и телом! Исцели те язвы и струпы кои причинены нам страстями нашими. Болим мы леностию и расслаблением - исцели ны. Болим влечением и пристрастием к земным предметам - исцели ны. Болим, о святый Пантелеимоне! Болим забывчивостию: о деле спасения, о наших грехах и немощах, о наших обязанностях - исцели ны. Болим злопомнением, гневливостию, ненавистничеством - исцели, о целебниче Свято-Афонский и всемирный. Болим завистью, гордостью, надменностью, превозношением, при всей скудости и непотребстве - исцели ны. Болим многими и разными припадками плотоугодия: чревоизлишеством, невоздержностию, многоядением, сластолюбием - исцели ны. Болим сонливостью, многословием, празднословием, осудливостью - исцели ны, о святый Пантелеимоне! Болят наши очи греховными воззрениями, болят наши уши слушанием пустословия, злоречия, наветов - исцели ны. Болят руки нерасположением к молитвенному воздеянию и к подаянию милостыни - исцели ны. Болят наши ноги нежеланием поспешно идти в храм Господень и стремлением к хождениям по стогнам и к посещениям домов мирских - исцели ны. Болит, зело болит язык наш, уста наши: пустословием, празднословием, злоречием, отвращаясь от молитвословий и славословий, или произнося их небрежно, рассеянно, без внимания, без понятия - исцели ны, о милостиве! От главы до ног болим мы: болит в нас разум непонятливостию, неразумностию и безумием; болит в нас воля, отвращаясь от святых занятий и стремясь к делам вредным и богопротивным; болит в нас память, забывая наши прегрешения и содержа в себе неутратно согрешения и оскорбления ближних наших; болит в нас воображение, не умея и не желая живо представить нам нашу смерть, вечную муку грешных, блага Царствия Небесного, Божий гнев, крестные страдания Христовы, Его распятие - исцели ны, о святый Пантелеимоне! Все в нас болит. Немощствует и душа наша вся со всеми ее силами и способностями. Немощствует и тело наше все со всеми его членами. Исцели ны, о святый Пантелеимоне, Целебниче безмездный и любвеобильный Врачеватель, слуга Пресвятая Богородицы, и не оставь наше окаянство в толицех недугах и в толицей немощи: да исцелись твоею благодатию, прославлю Пресвятую Троицу, Отца и Сына и Святаго Духа и Пресвятую Богородицу, тебе на служение болящим посылающую, и возблагодарю твою, о святый Пантелеимоне, цельбоносную святыню во веки. Аминь.

Молитва четвертая (на едине от лица болящаго чтомая)

О великий угодниче Христов, страстотерпче и врачу многомилостивый, Пантелеимоне! Умилосердися надо мною, грешным рабом, услыши стенание и вопль мой, умилостиви небеснаго, верховнаго Врача душ и телес наших, Христа Бога нашего, да дарует ми исцеление от гнетущаго мя недуга. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи елеем милости твоея и исцели мя: да, здрав сый душею и телом, остаток дний моих, благодатию Божиею, возмогу провести в покаянии и угождении Богу и сподоблюся восприяти благий конец живота моего. Ей, угодниче Божий! Умоли Христа Бога, да предстательством твоим дарует ми здравие телу и спасение души моей. Аминь.

Молитва пятая (благодарственная, после исцеления от болезни)

Святый великомучениче, целителю и чудотворче Пантелеимоне, всеизрядный угодниче Божий и молитвенниче присный христиан православных! Достойно наречен еси Пантелеимоном, еже есть всемилостивый, яко, прияв от Бога благодать молитися за ны и болезни целити, ты богатно подаеши всем, к тебе притекающим, различная исцеления и вся к жизни временней и ко спасению потребная: сего ради и мы недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердне благодарим тя и подателя всех благ Господа Бога нашего о великих благодеяниих, от Него тобою нам бывших. Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоея помощи и молитвеннаго ходатайства у Господа Бога нашего, Емуже подобает всякая слава, благодарение и поклонение, Отцу и Сыну и Святому духу, ныне и присно и во веки веков. Аминь.

Молитва шестая

Святый великомучениче и целителю Пантелеимоне, Бога милостиваго подражателю! Призри благосердием и услыши нас, грешных, пред святою твоей иконою усердне молящихся. Испроси нам у Господа Бога, Ему же со Ангелы предстоиши на небеси, оставление грехов и прегрешений наших. Исцели болезни душевныя же и телесныя рабов Божиих, ныне поминаемых, зде предстоящих и всех христиан православных, к твоему заступлению притекающих. Се бо мы, по грехом нашим люте одержимы есмы многими недуги и не имамы помощи и утешения, к тебе же прибегаем, яко дадеся ти благодать молитися за ны и целити всяк недуг и всяку болезнь. Даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная. Яко да, сподобившися тобою великих и богатых милостей, прославим тя и подателя всех благ, дивнаго во святых, Бога нашего, Отца, и Сына, и Святаго Духа. Аминь.

Тропарь великомученику и целителю Пантелеимону

Тропарь, глас 3

Страстотерпче святый и целебниче Пантелеимоне, моли Милостивого Бога, да прегрешений оставление подаст душам нашим.

Кондак, глас 5

Подражатель сый Милостиваго, и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.

Величание

Величаем тя, страстотерпече святый великомучениче и целебниче Пантелеимоне, и чтим честная страдания твоя, яже за Христа претерпел еси.

Песнь 1

Ирмос: В о глубине постла иногда фараонитское всевоинство преоруженная сила, воплощшееся же Слово всезлобный грех потребило есть; препрославленный Господь славно бо прославися.

Припев: С вятый великомучениче и целебниче Пантелеимоне, моли Бога о нас.

П риступль усердно ко Христу, прежде скончания, еже о Христе, мертвеца первее воздвигл еси. Ныне же мя, пребогате, умерщвлена греховным угрызением, твоими молитвами, о Пантелеимоне, оживотвори.

В озсия, якоже звезда, нося в юности старостный и Богомудрый разум, добротою же тела благолепие души стяжав, препрославленному Слову явился еси прекрасен.

У мертвився миру и во Христа, блаженне, одеявся банею Крещения, был еси богоносен орган и приятелище действа Духу, всем угождая, всех уврачуя недуги.

П ремудрость сестру себе притворив и причастник жизни ведом, от нея почтился еси и венцем дарований украсился еси, Божественныя зари, блаженне, облистая светлостию.

Богородичен: Б лагословеньми, Пресвятая Чистая, естество, удалено преслушанием бывшее от Зиждителя, Христа рождши, венчала еси и тления свободила еси. Темже, радующеся, вси, вернии, Тя ублажаем.

Песнь 3

Ирмос: П роцвела есть пустыня, яко крин, Господи, языческая неплодящая, Церковь пришествием Твоим, в нейже утвердися мое сердце.

С ловеса Духа услышав, был еси яко земля добрая и благоплодная, приемый семя многоценно и родивый, треблаженне, спасение душам.

У мертвил еси мудрование змиина угрызения и душу оживил еси, богодохновенно возродився и Царю всех предстоя.

П осрамил еси безбожное мучителей повеление и ко Христу притекл еси, вместо всех Сего стяжав, и был еси, Богомудре, великий купец.

М атере твоея благочестие возлюбль, славне, отчее же возненавидел еси безбожие многомятежное, яко имея разум, лучшее избрал еси.

Богородичен: Н осяй Божественным мановением всю тварь, Господь на руку носится Твоею, Дево. Егоже ныне моли избавити от бед поющия Тя.

Седален, глас 4

Д обляго страдальца благочестия Христова восхвалим светло Пантелеимона, вернии, псалмы, и пении, и песньми духовными, имже мучительство невидимаго врага силою Божественною попрася и недугов исцеление богатно от Господа даровася творящим верно Божественный и честный праздник его.

Песнь 4

Ирмос: П ришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.

П оследуя Владыце любовию, расточил еси богатство нищим, себе обнажая к страданию, еже и прошел еси, вечныя надежды провидев.

Х валения Богу жертву принесл еси, яве возгнушався идольских треб, все же шатание нечестивых, страстотерпче, попрал еси.

С недаемым завистию и гневом боримым, непоборимую силу сим представил еси, мучениче, и победил еси злочестивое томление, вооружився.

И же старца Симеона руками держимый, старца тя глаголы, Пантелеимоне, улови к Божественному разумению и ко многих спасению и избавлению.

Богородичен: М ужныя и девы во след Тебе потекоша, Деву и Отроковицу Тя и Матерь зряще, едина бо обоя во едино собрала еси несказанно, Богоневесто.

Песнь 5

Ирмос: П росвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим, иного бо разве Тебе, бога не знаю.

Р адостно подвиги подъял еси мучения, огражден силою Божественною, и, терпением твердо мучения подъемля, радуяся, вопиял еси: иного бо, разве Тебе, бога не знаю.

Н а подвиг борьбы вступив, блаженне, Божественною силою превозмогл еси безбожных нечестивое тиранство и неистовство идолослужения, облекся во Христа, Судию и Венчателя подвигов.

Ю ношеско ты противление имея и твердостию души возставление стяжав, всяку язву доблественне претерпел еси, и мужеским, блаженне, умом, благодатию Божественнаго Креста укрепляемь.

Н есогласное отрину вещание заблуждших, Небесным учением страдалец и многим спасению преславну бысть виновник, Твоим действом, Христе, укрепляемь.

Богородичен: Р ечения премудрых, и гадания вся, Препрославленная, и пророк проречения Тя проображаху проявленно напоследок быти Божию Родительницу, иныя бо, разве Тебе, чистыя не знаем.

Песнь 6

Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.

И долы лестныя оплевал еси и возносимую прелесть упразднил еси, чудодействуя дивная и творя исцеления, Богомудре.

В енечник показался еси, всеизрядне, сквозе бо огнь ты прошел еси и воду, и, на колеси протязаемь, преславно погубил еси безумныя.

М учителей суровство низложив, неудобь носимая биения телесная душевною крепостию, пострадал еси, Богомудре, благодатию.

Богородичен: С одержай концы земли, яко Бог, Твоими, руками, Чистая, держится описанием тела, Иже Божественным зраком неописанный.

Кондак, глас 5

П одражатель сый Милостиваго и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.

Икос

Б езсребреника память, добляго страдальца, вернаго целебника, благочестно воспоем, христолюбцы, да приимем милость, паче же оскверншии, якоже и аз, своя храмы, душам бо и телом, возлюбленнии, исцеления подавает. Потщимся убо, верная братия, в сердцах наших имети его крепость, избавляюща от лести вопиющия: спаси ны, Господи.

Песнь 7

Ирмос: Т елу златому премудрыя дети не послужиша, и в пламень сами поидоша, и боги их обругаша, среди пламене возопиша, и ороси я Ангел: услышася уже уст ваших молитва.

З аконно стражда и победив врага, пристанище благоутишно сущим в мори, славне, обуреваемым был еси, свет же сущим во тьме жития, и пети научил еси: благословен Бог отец наших.

Б лажен еси, и добро тебе есть ныне, преблаженне, восприимшему пребогатную и блаженную надежду твою, уготованную верою Господеви зовущим: благословен Бог отец наших.

С вятых души, и праведных лицы, и Безплотных чини Ангельстии прияша сликовника тя, блаженне, мечем бо усечен быв во главу, поеши, радуяся: благословен Бог отец наших.

Богородичен: О ружие, еже прежде древа животнаго нас отлучившее, ныне, обращаемо, приемлет знаменавшияся Кровию, из ребр Сына Твоего изшедшею, Пренепорочная. Благословена еси, Бога плотию рождшая.

Песнь 8

Ирмос: В пещь огненную ко отроком еврейским снизшедшаго и пламень в росу преложшаго Бога пойте, дела, яко Господа, и превозносите во вся веки.

Б лагоприятное твоея хитрости душевное ослепление отчее исцеляет, подающее свет верою, преблаженне, притекающим и ко Спасу Христу наставляющее.

З а Христа заклан быв, к вечней жизни преминул еси и Богозванен явился еси именованием Божиим, Богомудре. Тем почитаем тя и превозносим Христа во веки.

В итийское отложив лютое мудрых глумление, Христовым призыванием болезненных страстей корения посекаеши, исцеляя превозносящия Христа во веки.

Богородичен: Б езсмертия зарю вемы источника Тя, Богородице, яко рождшую Слово Безсмертнаго Отца, всех смерти избавляющаго, превозносящих Его во веки.

Песнь 9

Ирмос: Б езначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.

П реставился еси, радуяся, к желанию конечному, идеже вселився, преблаженне, блаженный конец приити воистину сподобился еси, сый со Владыкою твоим во веки безконечныя.

Ж елание получил еси и любве твоея исполнение, каплющей еще теплей крови, за Христа излиявшейся, от Негоже, радуяся, приял еси венцы подвигов твоих.

Л ьвов уста и зверей зияния, икоже Даниил древле, ты обуздал еси, весть бо стыдетися, мучениче, добродетели и безсловесное естество. Темже тя, преславне, сошедшеся, ублажаем.

Б огатную благость тебе Христос дарует, сокровище исцелений нам даруя и всемилостива изволением тя подав всякому скорбящему, и пристанище тихое, и предстателя, и защитителя.

Богородичен: Я ко руно, Всенепорочная, дождь Небесный во утробе заченши, нам родила еси тишину Дающаго яко Бога Того поющим и Тя, Всепетую Богородицу, проповедающим.

Светилен

М илостивную твою душу провиде Бог, Пантелеимона тя проповеда, безсребрено бо требующим исцеление источаеши, святе, мучителей свирепство терпением твоим победивый.